其實單靠死亡率去論述一個疾病對病人嘅影響係非常之誤導
好多病人患病後無死唔代表生活質素唔會受到嚴重影響，正如你唔會話中風或者spinal cord injury係小事一樣。
Morbidities係一個非常重要嘅概念，但病人對morbidities嘅perception往往都只會係事後才形成。
唔試過呼吸困難用盡氣力呼氣都好似缺氧唔會知有幾辛苦
唔試過high flow或NIV唔會知有幾辛苦
唔試過要日日抽血驗血打豆落藥唔會知有幾辛苦
唔試過日日要prone一輪去改善血氧唔會知有幾辛苦
COVID Delta大多在day 7-12開始惡化，澳洲NSW現在便開始出現一兩個禮拜前急升感染人數的後果。
唔少人一家幾口全部入晒ICU，唔少人需要high flow/NIV以維持血氧，唔少人前幾日仲精精靈靈今日卻被送入ICU插喉，數據告訴我們這些不幸嘅病人多大是無打疫苗嘅市民。
的確打唔打疫苗最終決定權還是在市民手中，但你唔能夠否認這些真實嘅數據。
無論你最後選擇打唔打都好，祝願大家平平安安，係ICU嘅病人能夠逃出鬼門關，跟家人團聚。
Search